( हिंदूसम्राट मुंबई प्रतिनिधी: लक्ष्मण राजे )
कोरोना महामारीच्या पार्श्वभूमीवर लॉकडाऊनच्या काळात बरेच दिवस घरात बसलेल्या संगीतप्रेमी रसिकांचे मनोरंजन करण्यासाठी आता सर्व आता थिएटर सुरू झाली आहेत. बोरीवली येथील प्रबोधकार ठाकरे मिनी थिएटर मध्ये निर्माती गायिका नीता पवार यांच्या रसिका प्रेझेंट तर्फे “आओ झुमे गाये ” ही सुरेल गाण्यांची संगीत मैफल आयोजित करण्यात आली होती. या संगीत मैफलीला मोठ्या प्रमाणात उपस्थित असलेल्या रसिक प्रेक्षकांनी पसंती दिली. “आओ झुमे गाये या लोकप्रिय सुरेल हिंदी मराठी चित्रपटातील गीतांच्या मनोरंजक कार्यक्रमाची संकल्पना निर्माती नीता पवार यांची होती. रसिका प्रेझेंट ” आओ झुमे गाये ” हा मराठी हिंदी गीतांचा नजराणा रसिकांना खुप आवडला . गायिका नीता पवार आणि १६ सहकारी गायकांनी उठ महागणपती , आओ झुमे गाये , हे चिंचेचे झाड ,बदन पे सितारे ,ही चाल तुरुतुरु, ओ मेरी शर्मिली , हसता हुआ नुरानी चेहरा अशी एका पेक्षा एक सरस मराठी हिंदी गाणी सादर केली आणि रसिकांना मंत्रमुग्ध केले. “आओ झुमे गाये” या सुरेल संगीत श्रवणीय मैफिलीला रसिकांचा टाळ्यांच्या कडकडाटात प्रचंड प्रतिसाद मिळाला.
हिंदूसम्राट न्युज 