दुसऱ्या क्रमांकावर जिल्ह्याचा महसुल विभाग
नांदेड जिल्हा प्रतिनिधी:संजीवकुमार गायकवाड
नांदेड:दि.6.जानेवारी ते डिसेंबर 2020 या बारा महिन्याच्या कालावधीमध्ये नांदेड जिल्ह्यात भ्रष्टाचार करणाऱ्यांमध्ये पोलीसांनी प्रथम क्रमांक प्राप्त केला आहे.आठ कार्यवायांमध्ये दहा जण आरोपी झाले आहेत. दुसरा क्रमांक महसुल विभागाने मिळवला असून पाच कार्यवायांमध्ये त्यांचेही दहा लोक भ्रष्टाचाराचे आरोपी आहेत.नांदेड जिल्ह्यातील लाच लुचपत प्रतिबंधक विभागाने वर्षभरात 26 कार्यवाया केल्या असून त्यात 38 लोक आरोपी आहेत.
भ्रष्टाचार करणाऱ्यांच्या वर्षभराच्या कार्यवाहीमध्ये नांदेड जिल्हा पोलीस दलाने भ्रष्टाचार करण्यात प्रथम क्रमांक कमावला आहे. पोलीस शिपाई ते पोलीस उपनिरिक्षक या पदाच्या एकूण 8 जणांनी भ्रष्टाचार करतांना केलेल्या लाच मागणीविरुध्द झालेल्या तक्रारीनंतर 8 गुन्हे दाखल झाले.त्यात एकूण 10 जणांना आरोपी करण्यात आले आहे.यातील लोकसेवक हे वर्ग 3 चे कर्मचारी आहेत. दुसरा क्रमांक जिल्ह्याच्या महसुल विभागाने घेतला आहे. यातही पाच दाखल झालेल्या गुन्ह्यांमध्ये वर्ग 3 चेच कर्मचारी आहेत.त्यात तलाठी, मंडळाधिकारी आणि ग्रामविकास अधिकारी यांचा समावेश आहे. महसुल विभाग विरुध्दच्या पाच कार्यवाह्यांमध्ये 10 आरोपी आहेत. जिल्हा परिषदेमधील वित्त विभागामध्ये एक गुन्हा भ्रष्टाचारासाठी दाखल झाला. त्यात वर्ग 3 आणि वर्ग 4 चे दोन जण आरोपी आहेत. ग्राम पंचायतमधील चार जणांनाविरुध्द केलेल्या कार्यवाहीमध्ये 6 आरोपी आहेत.
यात ग्रामसेवक,ग्रामविकास अधिकारी,उपसरपंच यांचा समावेश आहे.नगररचना विभाागतील नगरपंचायतमधील वर्ग 3 आणि वर्ग 4 चे दोन जण भ्रष्टाचाराचे आरोपी आहेत.वस्तु व सेवा कर कार्यालय नागपूर येथील वित्त विभागाचा अतिरिक्त आयुक्त भ्रष्टाचारात अडकला आहे.शिक्षण क्षेत्राशी संंबंधीत तीन गुन्ह्यामध्ये 5 आरोपी आहेत. त्यात मुख्याध्यापक, शिक्षक, खाजगी लिपीक आणि खाजगी इसम अशा लोकांचा समावेश आहे.दोन गुन्हे खाजगी इस्माविरुध्द दाखल झाले आहेत. वफ्फ बोर्डाचा जिल्हा वफ्फ अधिकारी वर्ग 3 आणि सेवक वर्ग 4 असे दोन जण भ्रष्टाचारात अडकले आहेत.
नांदेड जिल्हा लाचलुचपत प्रतिबंधक विभागाने एकूण 26 सापळे आयोजित केले. त्यात वर्ग एकचा 1 अधिकारी, वर्ग दोनचे 24 व्यक्ती आणि खाजगी इसम अशा एकूण 38 जणांना आरोपी केले आहे. एकूण 26 सापळयामध्ये वर्ग एकचा फक्त एकच अधिकारी भ्रष्टाचारांच्या आरोपात अडकला आहे.बाकी सर्व वर्ग 3, 4 आणि खाजगी इसम भ्रष्टाचाराचे आरोपी झाले आहेत.
