नांदेड जिल्हा प्रतिनिधी:संजीवकुमार गायकवाड
नांदेड:दि.6.सातवा वेतन आयोग लागू झाल्यानंतर राज्य शासनातील कर्मचारी व इतरांना सुधारीत दराने घरभाडे भत्ता देण्यासाठी एक नवीन शासन निर्णय आला आहे.या शासन निर्णयावर महाराष्ट्र शासनाच्या वित्त विभागाचे उपसचिव भालचंद्र गाडेकर यांची डिजिटल स्वाक्षरी आहे.नवीन प्रकारे घर भाडे भत्ता देण्याची वर्गवारी एक्स,वाय आणि झेड या शहर आणि गावांच्या वर्गीकरणानुसार मिळणार आहे.
राज्य शासनाने शासकीय कर्मचाऱ्यांसाठी सातवा वेतन आयोग लागू केल्यानंतर राज्यातील महराष्ट्र नागरी सेवा (सुधारीत वेतन) नियम 2019 प्रमाणे मॅट्रीक्स आणि वेतनस्तर लागू करण्यात आले.सोबतच 7 जुलै 2017 च्या आदेशानुसार सुधाारीत घरभाडे भत्ता कसा देण्यात यावा यासाठी राज्य शासकीय कर्मचाऱ्यांना व इतर पात्र कर्मचाऱ्यांना शहरे आणि गावे यांचे सुधारीत वर्गीकरण विचारात घेवून घरभाडे भत्ता देण्याचा निर्णय झाला.यामध्ये एक्स,वाय आणि झेड प्रकाराच्या गाव आणि शहराचे वर्गीकरण आहे.
एक्स प्रकारच्या वर्गीकरणामध्ये घरभाड्याचे विद्यमान दर 30 टक्के आहे ते दर मुळ वेतनाच्या टक्केवारीनुसार 24 टक्के करण्यात आले आहे.वाय प्रकारच्या वर्गीकरणातील घरभाडे 20 टक्के आहे.ते आता 16 टक्के करण्यात आले आहे. झेड प्रकारच्या वर्गीकरणात सध्याचे घरभाडे दर वेतनाच्या 10 टक्के आहे.तर सुधारीत दर मुळ वेतनाच्या 8 टक्के करण्यात आले आहे.सोबतच एक्स,वाय आणि झेड वर्गीकृत शहरांना अनुक्रमे 5400, 3600 आणि 1800 घरभाडे भत्ता अनुज्ञेय राहिल. ज्यावेळी सातव्या वेतन आयोगानुसार अनुज्ञेय केलेला महागाई भत्ता 25 टक्यांची मर्यादा ओलांडेल त्यावेळी एक्स, वाय आणि झेड वर्गीकृत शहरांना अनुक्रमे 30, 20 आणि 10 टक्के वाढीव दराने घरभाडे भत्ता मंजुर करण्यात येईल.सुधारीत दराने घरभाड्याची परिगणना करतांना मुळ वेतनात विशेष वेतन समावेश करता येणार नाही.घरभाडे भत्त्याच्या अनुज्ञेयतेसंबंधीतच्या विद्यमान आदेशातील इतर सर्व तरतुदी व अटी पुर्वीसारख्याच लागू राहतील.हा शासन निर्णय 1 जानेवारी 2019 पासून अंमलात आलेला आहे.हा शासन निर्णय राज्य शासनाच्या संकेतस्थळावर संकेतांक 201902051436462005 नुसार प्रसिध्द करण्यात आला आहे.
