सहा ग्राम पंचायती बिनविरोध तर १००३ जनांची घेतली माघार
मुखेड तालुका प्रतिनिधी:गणेश आडे
मुखेड:तालुक्यातील १०८ ग्राम पंचायतीसाठी ३ हजार १५ ईच्छुक उमेदवारांनी नामनिर्देशणपत्र सादर केले होते यात १ हजार ३ जनांनी माघार घेतली असुन १ हजार ७९८ उमेदवार रिंगणात आहेत.
तालुक्यातील कोळनुर,भगनुरवाडी,हसनाळ प.दे.,जांब खु.कमळेवाडी,ईटग्याळ पमु.या 6 ग्राम पंचायती बिनविरोध निवडल्या गेल्या आहेत. तर ३८ प्रभागातून १४२ जागा बिनविरोध झाल्या आहेत.तालुक्यातील ग्राम पंचायतीचा निवडणूकीचा धुराळा दिवसेंदिवस जास्तच उडत असुन शहरातील हॉटेल,बार,दुकाने,पान टपया हाऊसफुल दिसत आहेत.
तालुक्यात मुक्रमाबादसह येवती, चांडोळा,बेटमोगरा,मंडलापुर,सावरगांव पि,बाऱ्हाळी,गोजेगाव अशा मोठया ग्राम पंचायतीकडे सर्वाचेच लक्ष लागले असुन अनेक दिग्गजांना गावातच मोठा विरोध पत्कारावा लागत असल्याचे चित्र दिसत आहे. भाजपा जिल्हाध्यक्ष व्यंकटराव पाटील गोजेगावकर यांच्या गावात त्यांना मोठा विरोध दिसून येत असुन मुक्रमाबाद मध्ये गोजेगावकर पुरस्कृत पॅनल आमदार डॉ.तुषार राठोड यांच्या समर्थकाच्या विरोधात थांबले असल्याचे बोलले जात आहे.तर माजी आमदार हाणमंतराव पाटील बेटमोगरेकर यांच्या गावात सुध्दा तीन पॅनल थांबलेले असून बेटमोगरेकर यांना धक्का देण्यासाठी गावातील अनेक मंडळी एकत्र आल्याचे दिसून येते.
तीन पत्रकार मैदानात
मुक्रमाबाद ग्राम पंचायतमध्ये ८ हजार ५९ मतदार असुन तीन पॅनलमध्ये एकुण ५२ उमेदवार रिंगणात आहेत.याच भागात लेंडी नदी असून पुनर्वसनाचा, मावेजांचा मुद्दा यात प्रकर्षाने गाजणार आहे.या ग्राम पंचायतमध्ये प्रथमच तीन पत्रकार निवडणूकीच्या मैदानात आहेत.
२२ वर्षीय युवकाने केले पॅनल तयार – दिग्गजांना आव्हान
मुखेड तालुक्यातील सर्वात मोठी ग्राम पंचायत समजली जाणारी मुक्रमाबाद ग्राम पंचायत मध्ये २२ वर्षाच्या हेमंत खंकरे यांनी जोरदार शक्ती प्रदर्शन करीत दिग्गजांना आव्हान दिले आहे.या युवकाच्या पॅनल विरोधात मुरब्बी राजकारणी शिवराजअप्पा आवडके व गोजेगावकर पुरस्कृत पॅनल आहे.
