आजही पोलीस कर्मचारी पदाची पगार घेतात
नांदेड जिल्हा प्रतिनिधी:संजीवकुमार गायकवाड
नांदेड:दि.6.सन 2013 पासून पोलीस उपनिरिक्षक होण्याची वाट पाहत वाट लागलेले सहाय्यक पोलीस उपनिरिक्षक आणि पोलीस हवालदार सन 2020 च्या शेवटच्या सत्रात अखेर फौजदार झाले.पण आजही त्यांची वेतन निश्चिती करण्यात आलेली नाही. त्यामुळे हा त्रास कधी संपेल ही त्यांची विवंचना कायम आहे. नांदेड जिल्ह्यात 32 पोलीस कर्मचारी पोलीस उपनिरिक्षक झाले आणि राज्यात जवळपास 1 हजार पोलीस कर्मचारी फौजदार झाले आहेत.
सन 2013 मध्ये पोलीस विभागात झालेल्या एका विभागीय परिक्षेचा निकाल जाहीर झाला.पण त्या परिक्षेत्र उत्तीर्ण झालेल्या पोलीस कर्मचाऱ्यांना पोलीस उपनिरिक्षक पद प्राप्त करता-करता सन 2020 चा शेवट आला.2013 ते 2020 या दरम्यान या पोलीस उपनिरिक्षक होण्याच्या निर्णयावर अनेक त्रास या पोलीस कर्मचाऱ्यांनी पाहिले.अनेक याचिका न्यायालयात दाखल झाल्या.त्याचे निर्णय आले. अखेर शेवटी शासनाने पोलीस कर्मचाऱ्यांना पोलीस उपनिरिक्षक पद देण्याचे ठरवले आणि राज्यभरात जवळपास एक हजार पोलीस कर्मचारी पोलीस उपनिरिक्षक झाले.नांदेड जिल्ह्यात या एक हजारमध्ये 32कर्मचाऱ्यांचा अधिकारी होण्यात सहभाग आहे.
मागील तीन महिन्यापासून पोलीस उपनिरिक्षक झालेल्या नांदेड येथील पोलीस कर्मचाऱ्यांची वेतन निश्चिती अद्याप झालेली नाही.आजही पोलीस उपनिरिक्षक पोलीस कर्मचारी पदाचे वेतन प्राप्त करत आहेत.त्यामुळे फौजदार झाल्यावर सुध्दा त्यांची न झालेली वेतन निश्चिती अद्याप त्यांना विवंचना देत आहे.वेतन निश्चिती होण्याअगोदर राज्यातील अनेक पोलीस उपनिरिक्षक सेवानिवृत्त झाले. सुदैवाने नांदेड जिल्ह्यातील एकही पोलीस उपनिरिक्षक सेवानिवृत्त झाला नाही.म्हणून त्यांना वेतन निश्चिती लवकर व्हावी अशी अपेक्षा होत आहे. वेतन निश्चिती झाल्यानंतर विविध भत्ते,सातवा वेतन आयोग अशा प्रकारे त्यांच्या दरमहिन्याच्या वेतनात चांगलीच वाढ होणार आहे.अधिकारी झालो पण वेतन निश्चिती कधी होणार ही चिंता त्यांना कायम आहे
