कागल◆गोरख कांबळे.
कागल तालुक्यातील ग्रामपंचायतीमध्ये स्थापनेपासून आजतागायत सरपंच पदासाठी होत असलेल्या आरक्षण सोडतीमध्ये अनुसुचित जाती प्रवर्ग हा काही ठिकाणी या आरक्षणापासून अजूनही वंचीतच राहिला होता. रोटेशन पद्धतीनुसार ग्रामपंचायत स्थापनेपासून झालेल्या सर्व निवडणूकीत अनुसुचित जाती प्रवर्ग सोडता सर्व इतर प्रवर्गासाठी आरक्षण आरक्षित झाले.मात्र अनुसुचित जातीचे आरक्षण रोटेशन पद्धतीनुसार अद्याप का आले नाही?. हा संशोधनाचा विषय बनला होता.व याची गावामध्ये चर्चाही होत होती.त्यामुळे दलित असलेल्या या समाजातील नागरिकांना सरपंच पदाची संधी कधी मिळणार ? असा प्रश्न गावातील अनु.जाती समाजातील नागरिकामध्ये निर्माण झाला होता. ग्रामपंचायतीमध्ये दर पंचवार्षीक निवडणूकीत सोयीच्या युतीच्या आघाड्या होतात.प्रशासनातील प्रमुख पद या समाजापासून वंचीतच राहिल्यामुळे या समाजाचा विकास खुंटला होता. त्यामुळे दलित समाजाच्या भौतिक सुविधा व समस्या आहे तशाच राहील्या आहेत.
या सर्व गोष्टींचा विचार करून कागल तालुक्यातील ५३ ग्रामपंचायतीचा निवडणूक निकाल जाहीर झाला असून सरपंच पदाच्या आरक्षणाची सोडत २७ जानेवारी रोजी पार पडली आहे. त्यामध्ये साके,सोनाळी,शेंडूर, कौलगे,लिंगनूर कापशी, बोळावी,कापशी सेनापती व बाळीक्रे,बेलेवाडी काळम्मा,नंद्याळ,मांगनूर,केनवडे,आलाबाद येथील ग्रामपंचायत सरपंचपदाचे आरक्षण अनुसुचित जाती प्रवर्गासाठी आरक्षित झाले आहे.या सर्व गोष्टींचा विचार करून कागल तालुक्यातील १२ गावांमध्ये सरपंच पदाचे आरक्षण अनुसूचित जाती प्रर्वगासाठी राखीव झाले.त्यामुळे कागल तालुक्यातील १२ गावामध्ये ही आनंद व्यक्त केला जात आहे.
