( हिंदूसम्राट मुंबई प्रतिनिधी: लक्ष्मण राजे )
टाटा समूहाचे सर्वेसर्वा रतन टाटा रविवारी दुपारी तीनच्या सुमारास मुंबई ते पुणे असा प्रवास करत पुण्यातील कोथरूड येथील गांधी भवना शेजारी असलेल्या वूडलँड सोसायटीत आले होते. कोणताही बडेजाव किंवा सुरक्षिततेचा बाऊ न करता टाटा तिथे आले. या सोसायटीत राहणाऱ्या इनामदार यांच्या घरी जाऊन त्यांनी त्यांच्याशी संवाद साधला. सुमारे पाऊण तास त्यांनी आपल्या मित्रासह गप्पांची मैफल रंगवली. इनामदार यांना उत्तम आरोग्यासाठी शुभेच्छा देऊन टाटा तितक्याच सहजतेने परतलेही!
जुन्या मित्राला आवर्जून भेटायला आलेले ज्येष्ठ उद्योगपती रतन टाटा यांचा अकृत्रिम स्नेह आणि साधेपणा रविवारी कोथरूड मधील एका सोसायटीतील रहिवाशांनी अनुभवला. त्यांची ही भेट जरी अल्पकालीन असली, तरी त्यांच्या सहवासाने आणि साधेपणाने त्यांना भेटलेल्यांच्या मनात कायमचे घर केले.
टाटा समूहाचे सर्वेसर्वा रतन टाटा रविवारी दुपारी तीनच्या सुमारास पुण्यातील कोथरूड येथील गांधी भवना शेजारी असलेल्या वूडलँड सोसायटीत आले होते. कोणताही बडेजाव किंवा सुरक्षिततेचा बाऊ न करता टाटा तिथे आले. या सोसायटीत राहणाऱ्या इनामदार यांच्या घरी जाऊन त्यांनी त्यांच्याशी संवाद साधला. सुमारे पाऊण तास त्यांनी आपल्या मित्रासह गप्पांची मैफल रंगवली. इनामदार यांना उत्तम आरोग्यासाठी शुभेच्छा देऊन टाटा तितक्याच सहजतेने परतलेही!
‘रतन टाटा स्नेह्याच्या भेटीसाठी अगदी अल्पकाळ आमच्या सोसायटीत आले होते; परंतु या भेटीत कुठेही सुरक्षेचा किंवा श्रीमंतीचा बडेजाव आम्हाला जाणवला नाही. त्यामुळेच ते येऊन गेल्याची माहितीही फारशी कोणाला समजली नाही,’ अशी माहिती सोसायटीतील रहिवासी अंजली पारडीकर यांनी दिली. ‘रविवारी दुपारी त्या बाहेरून सोसायटीत परत आल्या होत्या. त्या वेळी सोसायटीत टाटा मोटर्सच्या दोन नव्या गाड्या उभ्या होत्या. त्यातून रतन टाटांसारखी एक व्यक्ती उतरली आणि पटकन लिफ्टमध्ये शिरली. ते रतन टाटाच आहेत, हे समजायलाच काही क्षण लागले. त्यानंतर त्यांच्यासोबत असलेल्या कर्मचाऱ्यांना आम्ही विचारले, तेव्हा टाटा त्यांच्या मित्राला भेटण्यासाठी आले आहेत असे समजले,अशी माहिती सोसायटीचे अध्यक्ष अभिजित मकाशीर यांनी दिली. ‘रतन टाटा आवर्जून टाटा समूहाच्याच गाडीतून आले होते. त्यांचा साधेपणा पदोपदी जाणवत होता. त्यांची ही भेट कायम स्मरणात राहील,’ असेही ते म्हणाले.टाटांनी दिला कानमंत्र या भेटीनंतर रतन टाटा परतत असताना पार्किंगमध्ये अभिजित मकाशीर व त्यांची मुलगी आदिश्री यांनी त्यांच्याशी संवाद साधला. ‘टाटा यांच्या अनपेक्षित भेटीमुळे जणू काही परमेश्वराचीच भेट व्हावी, अशी आमची मन:स्थिती झाली होती. कोणताही बाऊ न करता त्यांनीही आमच्याशी गप्पा मारल्या. अवघ्या काही मिनिटांच्या संवादात रतन टाटांनी आम्हाला स्वत:च्या ध्येयावर लक्ष केंद्रित करा, त्यापासून कधीही विचलित होऊ नका, असा कानमंत्र दिला,’ असे मकाशीर म्हणाले.
