कोपरगाव हिंदूसम्राट तालुका प्रतिनिधी बिपिन गायकवाड –
जग कोरोना सारख्या महामारीतून मार्ग काढत असतांना शासनाच्या सर्व शासकीय विभागाचे अधिकारी कर्मचारी आपला जीव धोक्यात घालून कोरोना महामारी सोबत दोन हात करत असतानाच त्यांचा सोबतीला लोकशाहीचा चौथा स्तंभ म्हणून ज्या कडे पाहिले जाते असा पत्रकार देखील गेल्या वर्षभरापासून लढतांना दिसून येत आहे.
त्याचेच एक ऋण म्हणून दि ६ जानेवारी २०२१ रोजी ओम साई ग्रामीण शिक्षण संस्था कोपरगाव च्या वतीने तालुक्यातील विविध वृत्तपत्र व इलेक्ट्रॉनिक माध्यमाच्या प्रतिनिधींना पत्रकार दिनी माजी जिल्हा पोलिस अधीक्षक के पी रोकडे यांच्या शुभहस्ते व संस्थाप्रमुख परशराम साबळे यांच्या अध्यक्षतेखाली कोरोना योद्धा-२०२० असे सन्मानपत्र शाल गुच्छ देऊन सन्मान करण्यात आला.यावेळी संस्थेच्या सचिव सुचित्रा साबळे, साई शक्ती इंग्लिश मीडियम स्कूल चे प्राचार्य विजय जाधव, विलास चव्हाण, सोनाली कापसे, निलेश देवकर, रेखा दिवे आदी उपस्थित होते.
या वेळी दैनिक लोकमंथन चे गणेश दाणे, महाराष्ट्र राज्य मराठी पत्रकार संघटनेचे मनीष जाधव, तसेच विजय कापसे, शंकर दुपारगुडे,दिपक जाधव, रोहित टेके, फकिरराव टेके, जनार्धन जगताप, रविंद्र साबळे, अक्षय काळे, विनोद जवरे,मधुकर वक्ते,अनिल दीक्षित, हाफिज शेख,स्वप्नील कोपरे, सिद्धार्थ मेहेरखांब, युसूफ रंगरेज,बिपिन गायकवाड,पंडित भारुड आदींचा गौरव करण्यात आला.
या वेळी रोकडे यांनी बोलतांना सांगितले की पत्रकार हे लोकशाहीचा चौथा स्तंभ असुन कोरोना सारख्या महामारीत देखील हा स्तंभ न डगमगता देशासाठी अहोरात्र आपल्या माध्यमातून कार्य करत आहे.त्याचा संपूर्ण देशवासियांना अभिमान आहे.आपले कार्य या पुढे ही असेच सुरू ठेवत उत्तरोत्तर आपली अशीच प्रगती होत जावो अशा शुभेच्छा दिल्या.
घटनेने पत्रकारांना लोकशाही मध्ये महत्वाचे स्थान दिले असल्यानेच आपल्या भारत देशाची लोकशाही ही मजबूत आहे.त्यामुळे प्रत्येकाने सर्वधर्म समभाव साधत काम करत राहावे.
परशराम साबळे
संस्थाप्रमुख ओम साई ग्रामिण शिक्षण संस्था
