तमीजा नदाफ हिला ले. कर्नल अशोक म्हात्रे स्कॉलरशिप प्राप्त.

मिरज–अशोक मासाळ
आमच्या दि हिंद एज्युकेशन सोसायटी मिरज चे न्यू इंग्लिश स्कूल कवठे एकंद येथे 6 महाराष्ट्र गर्ल्स बटालियन चे युनिट आहे. यामधील कॅडेट तमीजा नदाफ हिला ले. कर्नल अशोक म्हात्रे ही 4000/- रुपयांची स्कॉलरशिप प्राप्त झाली आहे. यावर्षी प्रथमच विद्यालयातील कॅडेटला ही स्कॉलरशिप प्राप्त झाली आहे.
या स्कॉलरशिपचा धनादेश तिला 6 महाराष्ट्र गर्ल्स बटालियनचे कमांडिंग ऑफिसर कर्नल मोहन तिवारी यांनी कोल्हापूर एनसीसी भवन मध्ये प्रदान केला. यावेळी ऍडम ऑफिसर कॅप्टन गुगामालती उपस्थित होत्या. तसेच रिटायर्ड जी. सी. आय. कॅप्टन निशा भोसले, व इतर स्टाफ उपस्थित होता.
तिच्या या यशाबद्दल संस्थेचे सचिव राहुल साळुंखे सर, अध्यक्ष मिलिंद जाधव सर, व संस्थेचे इतर पदाधिकारी यांनी तिचे कौतुक केले, तसेच आई- वडील, कवठेएकंद व नागाव परिसरातील ग्रामस्थांनीही तिचे अभिनंदन केले आहे.
तिला विद्यालयाचे मुख्याध्यापक श्री एस. आर. पाटील सर, व्ही. एम साळुंखे सर, सेकंड ऑफिसर स्वाती पाटील यांचे मार्गदर्शन लाभले.