प्रशांत भोसले
महाराष्ट्र राज्यात शारीरिक शिक्षण शिक्षकांची अनेक पदे रिक्त आहेत. शिक्षक भरती प्रक्रियेमध्ये या पदाला प्राधान्य मिळणे आवश्यक असताना राज्य स्तरावर शिक्षक संचमान्यता (पोर्टल)ऑनलाइन भरती प्रक्रियेत बीपीएड व एमपीएड अर्हतेचा उल्लेख नाही त्यामुळे 2012 पासून शेकडो शारीरिक शिक्षण शिक्षकांची पदे रिक्त आहेत . अनेक शाळांमध्ये शारीरिक शिक्षणाचे शिक्षक उपलब्ध नाही यामुळे विद्यार्थ्यांच्या शारीरिक विकासावर प्रश्न उभा राहिला आहे .शालेय स्पर्धांमध्ये सहभाग नोंदणी कमी होत आहे राज्याच्या क्रीडा विकासावर याचे गंभीर व दूरगामी परिणाम होण्याची शक्यता असल्याने शासनाच्या 14 मे 1987 च्या परिपत्रकाद्वारे नमूद केल्याप्रमाणे भरती प्रक्रियेमध्ये बीएड समकक्ष बीपीएड अर्हता समजून त्याचा समावेश पोर्टलमध्ये होणे अत्यावश्यक आहे .अशी मागणी राज्य महासंघाचे उपाध्यक्ष आर.डी.पाटील यांनी निवेदनाद्वारे केली आहे.यावेळी विभागीय सचिव महेश सूर्यवंशी ,कोल्हापूर संघटनेचे सचिव संदीप पाथरे,दिलीप राऊत,संदीप पाटील उपस्थित होते .
