करवीर पूर्व:प्रतिनिधी : गजानन रानगे
असंघटित स्थलांतरित कामगारांसाठी गोकुळ शिरगावच्या युवा ग्रामीण विकास संस्थेचे मोफत आरोग्य जनजागृतीसाठीचे उपक्रम समाजाला दिशादर्शक आहेत असे मत प्रकल्प संचालक नंदकुमार निर्मळे यांनी व्यक्त केले.
एक डिसेंबर २० ते ३१ डिसेंबर २० अखेर युवा संस्थेच्या वतीने विविध घटकातील स्थलांतरीत कामगारासाठी मोफत आरोग्य जनजागृती उपक्रम घेण्यात आले या सांगता समारंभ प्रसंगी ते बोलत होते.
यावेळी युवा ग्रामीण विकास संस्थेचे प्रकल्प व्यवस्थापक मोहन सातपुते म्हणाले
समाजातील सर्वच घटकांनी जागतिक एकता, सामूहिक जबाबदारी स्वीकारून एचआयव्ही/एड्स विरुद्ध लढा देण्यासाठी पुढाकार घ्यावा . एड्स मुक्त महाराष्ट्र ,स्वप्न नव्हे ध्येय गाठण्यासाठी एकत्रितपणे लढा देण्याची गरज आहे.स्थलांतरित कामगार लक्षगट हस्तक्षेप प्रकल्प ,गोकुळ शिरगाव यांच्या वतीने ऊसतोड मजूर,वित्तभट्टी कामगार,हॉटेल कामगार,स्टोन क्रशर कामगार,गुऱ्हाळ घर कामगार,ट्रक डायव्हर,हमाल यांच्यासाठी मोफत आरोग्य जनजागृती शिबीर घेण्यात आली.
जागतिक एड्स दिना निमित्य पालकमंत्री सतेज पाटील यांच्या उपस्थितीत” जागतिक एकता व सामूहिक जबाबदारी ” या घोष् वाक्याचे प्रकाशन करण्यात आले, यावेळी पोस्टर प्रदर्शन,माहिती पत्रक वाटप करण्यात आले. त्यानंतर गेली महिनाभर विविध ठिकाणी एचआयव्ही/ एड्स गुप्तरोग, क्षयरोग या विषयी प्रबोधन करण्यात आले.या शिबिराचा लाभ मोठ्या प्रमाणात घेतला. ऐच्छिक एचआयव्ही तपासणीही मोफत करण्यात आली.
यावेळी प्रकल्प संचालक नंदकुमार निर्मळे, समुपदेशक हेमंत सूर्यवंशी, सामाजिक कार्यकर्ती सौ. दीपाली सातपुते, सुजाता कांबळे, पौर्णिमा गुरव,अजय कांबळे, कौस्तुभ भोसले,प्रल्हाद कांबळे, सूरज मांडे,डॉ. स्वप्नील जाधव,डॉ. सत्येंन माळकर,यांच्यासह स्टेक होल्डर,१५ पिअर लीडर ,समाजातील विविध घटक यांचे सहकार्य लाभले.
हिंदूसम्राट न्युज 