करवीर पूर्व : प्रतिनिधी : गजानन रानगे
क्रांतीज्योती सावित्रीबाई फुले यांची जयंती व बालिका दिन गडमुडशिंगी तालुका करवीर येथे उत्साहात साजरा करण्यात आला. या कार्यक्रमात ‘पीढी घडविते भारी माता कोल्हापुरी ‘ याविषयी चर्चासत्र व सावित्री उत्सव साजरा करण्यात आला.
पीढी घडविते भारी माता कोल्हापुरी कोल्हापूर उत्सव अंतर्गत क्रीडा स्पर्धेत विशेष प्राविण्य मिळवलेल्या मुलींच्या मातांचा तसेच स्पर्धा परीक्षेत निवड झालेल्या मुलींच्या मातांचा एक किंवा दोन मुलीवर शस्त्रक्रिया केलेल्या मातांचा यावेळी सत्कार करण्यात आला. तसेच विशेष प्राविण्य मिळवलेल्या मातांना ताराराणी प्राधान्य कार्डचे वाटप करण्यात आले. एकात्मिक बाल विकास प्रकल्प कोल्हापूर ग्रामीण यांच्या अनुषंगाने स्त्री भ्रूण हत्या तसेच मुलींचे संगोपन याविषयी चर्चासत्राचे आयोजन करण्यात आले होते. त्याचे मार्गदर्शन आयसीडीएस सुपरवायझर प्रज्ञा भांगरे ,आरोग्यसेविका संध्या महाजन, म.बा.क. विभाग जिल्हा कार्यक्रम अधिकारी सोमनाथ रसाळ प्रकल्प अधिकारी ज्योती पाटील यांनी याविषयी मार्गदर्शन केले. या कार्यक्रमांतर्गत मुलींच्या शिक्षणा विषयी मार्गदर्शन करण्यात आले. या कार्यक्रमास अंगणवाडी सेविका स्नेहल पाटील, नंदा गवळी, महादेवी माळी, रेखा खोत ,विश्रांती कोगले, माया गाडगीळ, नंदा सोनुले. विद्यार्थिनी पालक माता आदी उपस्थित होत्या.
