Categories
ब्रेकिंग न्युज

राज्यात ३१ जानेवारीपर्यंत लॉकडाऊन कायम; ‘या’ सवलती सुरु राहणार


पाटण हिंदू सम्राट प्रतिनिधी उमेश सुतार यांजकडून
राज्यात करोनामुक्तांचं प्रमाण वाढत असलं तरी नवीन करोना स्ट्रेनचं संकट अद्यापही राज्यावर आहे. भारतात करोनाच्या नव्या विषाणूची लागण झालेले रुग्ण आढळले आहेत. राज्यात नवीन करोना स्ट्रेनचा अद्याप एकही रुग्ण सापडला नसला तरी खबरदारी म्हणून राज्यातील लॉकडाऊन ३१ जानेवारीपर्यंत वाढवण्याचा निर्णय घेण्यात आला आहे. याबाबतचा आदेश आज ठाकरे सरकारकडून जारी करण्यात आला आहे. राज्यातील कंटेन्मेंट झोनमध्ये हा लॉकडाऊन असणार असल्याचंही या पत्रकात नमूद करण्यात आलं आहे.

राज्यात आत्तापर्यंत मिशन बिगिन अगेन अंतर्गंत अनेक निर्बंध शिथील करण्यात आले आहेत. आतापर्यंत ज्या सवलती देण्यात आल्या आहेत त्या यापुढेही कायम ठेवतानाच कंटेन्मेंट झोनमधील लॉकडाऊन ३१ जानेवारीपर्यंत वाढवण्याचा निर्णय घेण्यात आला आहे. तसंच, लॉकडाऊनच्या नियमांचे पालन करण्यात यावं, असंही स्पष्ट करण्यात आलं आहे.

राज्यात करोनाच्या नवीन स्ट्रेनचा धोका कितपत?; आरोग्यमंत्र्यांनी दिलं दिलासादायक

तसंच याआधी ३० सप्टेंबर आणि १४ ऑक्टोबरला मिशन बिगीन अगेन अंतर्गत निर्बंध शिथील करत प्रसिद्ध करण्यात आलेल्या गाईडलाइन्स ३१ जानेवारीपर्यंत लागू राहतील असंही आदेशात स्पष्ट केलं आहे. तसंच, याआधी परवानगी देण्यात आलेल्या सर्व गोष्टी नेहमीप्रमाणे सुरु राहणार आहेत.

Leave a Reply

Create your own website, free on WordPress.com.Create your own website.
Start free