बचत गटांच्या, SBIग्राहक सेवा केंद्राच्या माध्यमातून, महिला चळवळीला गती देणाऱ्या : सविता सातेगावे

लोहा, प्रतिनिधी(शिवराज पवार)
भाजपा महिला मोर्चाच्या विद्यमान लोहा तालुका अध्यक्षा तथा बचत गटाच्या चळवळीला गती देणाऱ्या सविता सातेगावे या कर्तुत्ववान महिलेने धाडसी कामगीरी करून सर्व सामान्य माणसाला जणू आधारच दिला.
लोहा स्थित स्वतः चालवत असलेल्या स्टेट बँक ऑफ इंडियाच्या ग्राहक सेवा केंद्राच्या माध्यमातून बचत खाते,प्रधानमंत्री जनधन योजनेचे खाते,प्रधान मंत्री बिमा योजना,अटल पेन्शन योजना,बचत गटांचे सक्षमीकरण करणे,तसेच कोरोना काळातही राबणाऱ्या सक्षमपणे आपले कर्तव्य बजावणाऱ्या पोलीस, पत्रकारांना प्रशस्तीपत्र देऊन त्यांचा सुद्धा गौरव करुन जणू त्यांच्या पाठीवर थाप दिली.
तळागाळापर्यंत पोहोचून कोरोना कालावधीत मास्क,सैनीटायजर वाटप, करण्याचे कार्य करून भल्याभल्यांना लाजवले. कोरोना कालावधीमध्ये एकीकडे बँकेत गर्दी होऊ नये म्हणून ग्राहकांना आत येण्यास परवानगी दिली नव्हती. बँकेचे व्यवहार हे खिडकीतून होताना दिसून आले. तशाही परिस्थितीमध्ये समाजाचे काही देणे लागते या भावनेतून ग्राहकांना आपल्या ग्राहक सेवा केंद्रातून कोरोनाच्या नियमांचे,अटींचे पालन करून, स्वतः चालवत असलेल्या SBI च्या ग्राहक सेवा केंद्रातून भाजपा महिला मोर्चाच्या सक्षम लोहा तालुका अध्यक्षा सविता सातेगावे यांनी स्वतःचा जीव धोक्यात घालून खंबीरपणे कोणतीही कामात कसूर न करता लोकांची सेवा केली.
नाबार्ड पुरस्कृत योजना, केंद्र व राज्य शासनाच्या विविध योजनेच्या माध्यमातून बचत गटांना कर्ज काढून देवून महिला सक्षमीकरणाचे पाऊल उचलले. बचत गटांच्या माध्यमातून महिलांना छोटे मोठे उद्योग उभारून देवून तालुक्यातील महिलांना स्वतःच्याच पायावर उभे राहण्यासाठी त्यांना प्रेरणा देऊन स्वयंस्फूर्तीने बचत गट चळवळीत आणण्याचे महान कार्य करतांना सुद्धा स्वतः सविता नागलगावे ४२ व्या वर्षात पदार्पण करतांना सुद्धा त्या डगमगल्या नाहीत. जणू सर्वसामान्यांच्या कुटुंबांना आधार देण्याचे पुण्य कर्म करण्याचे भाग्य त्यांना लाभले. त्यांना लोहा तालुक्यातील ग्रामीण भागातील महिलांसहित शहरातील महिलांनी सुद्धा वेळोवेळी त्यांच्या हाकेला ओ दिला. या नेतृत्वान, कर्तृत्ववान महिलेचा अनेक वेळा गौरवही केला गेला.