आंबेसांगवी जवळ कारच्या धडकेने दुचाकीस्वार गंभीर जखमी; सोनखेड पोलिसात गुन्हा दाखल

लोहा, प्रतिनिधी (शिवराज पवार)
‌‌लोहा तालुक्यातील आंबेसांगवी जवळ भरधाव वेगातील कार चालकाने दुचाकीस्वारास पाठीमागून जोराची धडक दिल्याने दुचाकीवरील तीस वर्षीय व्यक्ती गंभीर जखमी झाल्याची घटना घडली असून याप्रकरणी सोनखेड पोलीसात गुन्हा दाखल करण्यात आला आहे.
लोहा तालुक्यातील आंबेसांगवी जवळ भरधाव वेगातील कार MH22 3444 च्या चालकाने आपल्या ताब्यातील कार हयगय व निष्काळजीपणाने भरधाव वेगाने चालवून मोटरसायकल क्र.MH26 4817 पाठीमागून जोराची धडक दिली. त्यामध्ये सुलेमान अब्दुल्ला चाऊस वय 30 वर्षे, व्यवसाय, व्यापार राहणार चौफाळा नांदेड त्यांना गंभीर जखमी केले या अपघातात त्यांचा उजवा पाय फॅक्चर झाला याप्रकरणी सुलेमान अब्दुल्ला चाऊस यांच्या फिर्यादीवरून पोलीस स्टेशन सोनखेड येथे गुरंन 146 /2020 कलम 279, 237,338 भादवी कायदा प्रमाणे गुन्हा दाखल झाला असून अधिक तपास पो.हे.कॉ.हंबर्डे हे करीत आहेत.