“ख्रिसमस नाताळ सण उत्साहात साजरा”

राहुरी तालुका प्रतिनिधी
( जावेद शेख ) 26 डिसें ख्रिसमस नाताळ हा ख्रिश्चन धर्मियांचा एक महत्वपूर्ण सण आहे. २५ डिसेंबर, येशुंचा जन्मदिवस - दरवर्षी याच दिवशी नाताळाचा सण साजरा करण्यात येतो. ख्रिसमस नाताळ दिनानिमित्त 24 व 25 डिसेंबर रोजी किंग ऑफ किंग्ज चर्च इंडिया कणगर या ठिकाणी नाताळ सण मोठ्या उत्साहात साजरा करण्यात आला. येशू जन्माचा आनंद व्यक्त करण्यासाठी

नाताळ सणानिमित्त किंग ऑफ किंग्ज चर्च मध्ये विविध कार्यक्रम करण्यात आले.प्रमुख पाहुणे संजय पाटोळे
अँजल पाटोळे यांनी प्रभू येशूचे वचन सांगुन आशिर्वाद सभा घेतली. चर्चमध्ये विविध सांस्कृतिक कार्यक्रम घेण्यात आले. पास्टर गोरख दिवे सिस्टर शितल दिवे सिस्टर छाया ताई दुशींग यांनी सभेस मार्गदर्शन केले.
प्रमुख पाहुणे म्हणून उपस्थित असलेले अशोक कर्डे सर व करीश्मा कर्डे त्यांच्या कुटुंबीयांनी चर्चमध्ये शालेय साहित्य वह्या पेन व खाऊचे वाटप केले कार्यक्रमासाठी कणगर ताहाराबाद दरडगाव राहुरी फॅक्टरी या ठिकाणाहून मोठ्या प्रमाणावर बांधव आले होते.सर्व जग कोरोना महामारीने त्रस्त झाले आहे या आजारातून मुक्तता व्हावी यासाठी प्रार्थना करण्यात आली.कार्यक्रमास उपस्थिती असलेल्या सर्व बांधवांना दोन दिवस स्नेह भोजनाचे आयोजन करण्यात आले.सर्वानी एकमेकांस शुभेच्छा दिल्या.