खटाव तालुका प्रतिनिधी:-(रामदास देशमुख)
काँग्रेस पक्ष राज्यात पक्ष मजबूत करण्यासाठी ताकदीने उतरला आहे.येणाऱ्या स्थानिक स्वराज्य संस्थांच्या निवडणूकीसाठी उत्कृष्ट नियोजन केले आहे.
येणाऱ्या कोल्हापूर महानगरपालिका निवडणूक निरीक्षक म्हणून सातारा जिल्ह्यातील माण खटाव तालुक्याचे काँग्रेस नेते मा.रणजीत देशमुख यांची निवड केली आहे.तसेच त्यांच्या सोबत पुणे शहरातील काँग्रेस नेते मा.अभय छाजेड यांची पण निवड केली आहे.
रणजित देशमुख यांना काँग्रेस राज्यस्तरीय निवडणूक कमिटी मध्ये पण पक्षाने स्थान दिले आहे.रणजित देशमुख माध्यमांशी बोलताना म्हणाले काँग्रेस मध्ये प्रवेश केल्यानंतर माझ्यावर शिक्षक आणि पदवीधर निवडणूकीची जबाबदारी दिली होती ती मी यशस्वी पध्दतीने पार पाडली. नंतर मला राज्यस्तरीय काँग्रेस निवडणूक कमिटी मध्ये स्थान दिले. आणि येणाऱ्या कोल्हापूर महानगरपालिका निवडणूकीसाठी निरीक्षक पदी निवड केली.
मी पक्षाने दिलेले जबाबदारी यशस्वी पध्दतीने पार पाडण्यासाठी प्रयत्न करेल आणि कोल्हापूर निवडणूक मध्ये जास्तीत जास्त काँग्रेस नगरसेवक कसे निवडणून येथील आणि पक्ष कसा मजबूत होईल यावर भर देण्यात येईल असे त्यांनी सांगितले.
तसेच त्यांनी कोल्हापूर महानगरपालिका निवडणूक याचा प्राथमिक आढावा घेतला आहे.सध्या त्यांच्या तालुक्यात १५० ग्रामपंचायत निवडणूक आहेत त्यामुळे ते तालुक्यात ग्रामीण भागात पक्ष वाढण्यासाठी प्रयत्न करत आहेत. असे आमच्या माध्यमांशी बोलताना सांगितले.
