Categories
नांदेड Uncategorized

इतवारा पोलीसांनी एक चोरटा पकडला; जवळपास चोरीचे 40 मोबाईल जप्त केले

नांदेड जिल्हा प्रतिनिधी:संजीवकुमार गायकवाड

नांदेड:दि. 25.नोव्हेंबर महिन्यात घडलेल्या एका चोरी प्रकरणातून चोरी गेलेल्या 55 हजार 500 रुपयांच्या ऐवजापैकी इतवारा पोलीसांनी 42 हजार रुपयांचा ऐवज जप्त केला आहे. यासोबतच एकूण 36 दुसरे मोबाईल जप्त केले आहेत. या चोरट्याला न्यायालयाने 27 डिसेंबर पर्यंत पोलीस कोठडीत पाठविले आहे.

दि.2 नोव्हेंबर आणि 3 नोव्हेंबरच्या रात्री खान मोबाईल शॉपी देगलूर नाका येथील टीनपत्रे काढून त्यातील विविध कंपन्यांचे मोबाईल असा एकूण 55 हजार 500 रुपयांचा ऐवज चोरून नेला होता. या गुन्ह्याचा तपास पोलीस उपनिरिक्षक बाळू गिते यांच्याकडे होता.

24 डिसेंबर रोजी पोलीस उपनिरिक्षक एम.जे.बेग,पोलीस कर्मचारी सत्तार,चाऊस, साहेबराव शिंदे,निवृत्ती घुले यांनी हमीदीया कॉलनी खुदबेईनगर येथील मोहम्मद अली शेख नबी (20) या युवकास ताब्यात घेवून त्याच्याकडून खान मोबाईल शॉपीमधील चोरलेल्या ऐवजापैकी 42 हजार रुपयांचा ऐवज जप्त केला. तसेच नांदेड शहरातील वाजेगाव आणि अनेक जागी मोबाईलची दुकाने फोडून मोहम्मद अली शेख नबीने चोरलेले 36 मोबाईल पोलीसांकडे जप्तीत दिले आहेत. मोहम्मद अली शेख नबीला न्यायालयाने 27 डिसेंबर पर्यंत पोलीस कोठडीत पाठविले आहे. पोलीस अधिक्षक प्रमोदकुमार शेवाळे,अपर पोलीस अधिक्षक निलेश मोरे,पोलीस उपअधिक्षक सिध्देश्र्वर भोरे,पोलीस निरिक्षक साहेबराव नरवाडे यांनी या पोलीस पथकाचे कौतुक केले आहे.

Leave a Reply

Create your own website, free on WordPress.com.Create your own website.
Start free