मुरगूड विद्यालयात चेअरमन बाळ डेळेकर यांचा सत्कार
कोल्हापूर -सुभाष भोसले
कोजीमाशी पत संस्था सभासदांच्या सुखदुःखात नेहमीच सहभागी झाल्याने राज्यात एक आदर्श संस्था म्हणून नावलौकिक प्राप्त झाला असल्याचे मत शिक्षक भारतीचे पुणे विभागीय अध्यक्ष दादासाहेब लाड यांनी केले तर मुरगूड विद्यालयाचे संस्कार हेच माझ्या जीवनाची प्रेरणा आहे. या प्रेरणेतून आणि शिक्षण प्रसारक मंडळाच्या आशिर्वादाने मिळालेल्या अध्यक्षपदाच्या संधीचे सोने करेन. असे उदगार कोल्हापूर जिल्हा माध्यमिक शिक्षक पतसंस्थेचे अध्यक्ष व शिक्षण प्रसारक मंडळ कोल्हापूरचे कौन्सिल सदस्य बाळ डेळेकर यांनी केले.
मुरगुड विद्यालय आणि ज्युनियर कॉलेज मुरगूड ता. कागल येथे आयोजित केलेल्या सत्कार समारंभात ते बोलत होते. यावेळी शिक्षक नेते दादा लाड प्रमुख उपस्थित होते कार्यक्रमाच्या अध्यक्षस्थानी विद्यालयाचे प्राचार्य एस.आर. पाटील होते.कोल्हापूर जिल्हा शिक्षक पत संस्थेच्या अध्यक्ष पदी निवड झाल्याबद्दल त्यांचा बाळ डेळेकर यांचा सत्कार प्राचार्य एस.आर. पाटील यांच्या हस्ते करण्यात आला.
स्वागत व प्रास्ताविक प्राचार्य एस.आर.पाटील यांनी केले.यावेळी उपप्राचार्य एस.पी.पाटील,पर्यवेक्षक एस.वाय.बेलेकर,प्रा बी.एस. मडीवाल,मनोहर पाटील,संजय सूर्यवंशी,एस.बी. बोरवडेकर,ए.एच. भोई,फुलसिंग जाधव,पी एस पाटील,सौ.वाय.ई.देशमुख,
शशांक कोंडेकर,विराजित घोरपडे,आर जी पाटील,वाय. आर बेलेकर,एम एस कांबळे, संपत कोळी उपस्थित होते.
सूत्रसंचालन एम.बी.टेपुगडे,
आभार एस.पी.पाटील यांनी मानले
हिंदूसम्राट न्युज 