पुणे-सोलापूर महामार्गावर मोठा अपघात तिघांचा मृत्यू , तर दोन जखमी.

इम्तिहाज मुलाणी :
इंदापूर (प्रतिनिधी):

पुणे सोलापूर राष्ट्रीय महामार्गावर इंदापूर तालुक्यातील डाळज नं. २ च्या हद्दीत फाॅर्च्यूनर व ट्रॅक्टर चा अपघात झाला हा अपघात एवढा भयानक होता की या अपघातात
फाॅर्च्यूनर मधील तिघांचा मृत्यू झाला आहे.दि.०७ फेब्रुवारी रोजी रात्री १० वाजण्याच्या सुमारास ही घटना घडली आहे.यामध्ये गीता अरूण माने वय ३६ वर्षे,मुकुंद अरुण माने वय २५ वर्षे,अरुण बाबुराव माने वय ४५ वर्षे सर्व रा.लातूर जिल्हा-लातूर अशी मृत्यूमुखी पडलेल्यांची नांवे असून साक्षी अरुण माने वय १८ व महादेव रखमाजी नेटके वय ५६ हे या भिषण अपघातात जखमी झाले आहेत.

याबाबत भिगवण पोलिसांनी दिलेली माहिती अशी दि.०७ फेब्रुवारी रोजी रात्री १० वाजण्याच्या सुमारास ट्रॅक्टर नं एम.एच ४५ एफ ७७७९ दोन ट्रेलर मौजे केत्तुर येथून ट्राॅलीमध्ये ऊस भरुन माळीनगर साखर कारखाना येथे जात असताना मौजे डाळज नं २ गावचे हद्दीत पुणे – सोलापूर हायवे रोडवर पाठीमागून भरधाव वेगात आलेल्या फाॅर्च्यूनर (गाडी नं.- एम.एच.२४ ए.टी २००४) हीने ऊस वाहतूक करणाऱ्या ट्रॅक्टर च्या मागील ट्राॅलीस जोरदार धडक दिली.

हा आपघात इतका गंभीर होता की यात गीता अरूण माने,मुकुंद अरुण माने व अरुण बाबुराव माने यापैकी दोघांचा जागीच मृत्यू झाला तर एकाचा उपचारादरम्यान मृत्यू झाला.तर साक्षी अरुण माने व चालक महादेव रखमाजी नेटके हे जखमी झाले आहेत.या अपघातात वाहनाचे ही प्रचंड नुकसान झाले असून याबाबत ट्रॅक्टर चालक गोरख मल्हारी बिडबाग वय ६० रा.संग्रामनगर अकलूज ता – माळशिरस जि सोलापूर यांनी भिगवण पोलिसांत खबर दिली आहे.पुढील तपास सहा.पोलिस निरीक्षक जीवन माने यांच्या मार्गदर्शनाखाली पो.उपनिरिक्षक सुभाष रुपनवर करीत आहेत