राज्यमंत्री दत्तात्रय भरणे यांनी भरणेवाडी ग्रामपंचायत साठी बजावला मतदानाचा हक्क ;

इम्तिहाज मुलाणी :
इंदापूर (प्रतिनिधी):

इंदापूर तालुक्यातील 57 ग्रामपंचायतीच्या निवडणुकीचे दि.15 जानेवारी रोजी प्रत्यक्षात मतदान झाले असून राज्यमंत्री दत्तात्रय भरणे यांच्या गावची भरणेवाडी ग्रामपंचायत देखील या प्रक्रियेत असून राज्यमंत्री दत्तात्रय भरणे व त्यांचे बंधू मधुकर भरणे यांनी रांगेत उभे राहुन मतदानाचा हक्क बजावला .

पुणे जिल्ह्यातील महत्वाचा तालुका असलेल्या इंदापूर तालुक्यात 60 ग्रामपंचायतीची निवडणूक होती. 60 पैकी 3 ग्रामपंचायत बनविरोध झाल्या असून उर्वरित 57 ग्रामपंचायतीचे दि.15 रोजी प्रत्यक्षात मतदान झाले आहे. 556 जागांसाठी 1352 उमेदवार रिंगणात उतरले असून मतपेठीत त्यांचे भविष्य बंद झाले आहे.

काल सकाळी 7 वा.30 मि.पासून मतदान प्रक्रियेला सुरवात झाली व सायंकाळी साडेपाच वाजेपर्यंत ही प्रक्रिया चालू राहिली. या ग्रामपंचायत निवडणुकीची मतमोजणी 18 जानेवारी 2021 रोजी होणार आहे.