करवीर पूर्व : प्रतिनिधी : गजानन रानगे
समाजातील वाईट व्यवस्थेला धक्के देण्याचे काम
पत्रकार करतात.लेखनीचा मार्ग हा सोपा नाही. आणि तो व्यवसायही नाही .पत्रकार हे समाजाचे मूकनायक आहेत.पत्रकारांचा आवाज दाबता येणार नाही पत्रकारांना संरक्षण देणारा कायदा अस्तित्वात येतोय. असे प्रतिपादन गांधीनगर पोलीस ठाण्याचे सपोनि दीपक भांडवलकर यांनी केले. संघाच्या वतीने आयोजित पत्रकार दिन व नूतन पदाधिकारी यांच्या सत्कार समारंभ प्रसंगी ते बोलत होते. अध्यक्षस्थानी गांधीनगर ग्रामपंचायतीच्या लोकनियुक्त सरपंच रितू लालवानी होत्या. करवीर पूर्व पत्रकार संघाचे अध्यक्ष संतोष माने यांनी मनोगतात पत्रकार संघाच्या सकारात्मक पत्रकारितेबरोबरच सामाजिक उपक्रमाचा उहापोह केला.
भांडवलकर म्हणाले, समाज संघटित करण्यात व अन्यायाला वाचा फोडण्यासाठी पत्रकार समाजाचे प्रबोधन करत व्यक्तीचे व्यक्ती स्वातंत्र्य अबाधित ठेवण्यासाठी धडपड करत असतात. समाजाचे आवाज बनण्याचे काम पत्रकार करतात
कार्यक्रमास पत्रकार संघाचे अध्यक्ष संतोष माने, उपाध्यक्ष राजेंद्र शिंदे,सचिव मोहन सातपुते, खजानिस अनिल निगडे, विश्वास शिंदे,अनिल उपाध्ये, बाबासाहेब नेर्ले, प्रविण जाधव,राजेंद्र सूर्यवंशी, दौलत कांबळे, आनंद गुरव,राहुल मगदूम,संदीप शिंदे,प्रमोद ढेकळे,विशाल फुले,गजानन रानगे,अशोक ठाकूर तसेच सिंधी सेंट्रल पंचायतीचे उपाध्यक्ष अशोक टेहल्यानी, गुड्स ट्रान्सपोर्ट अध्यक्ष चंद्रकांत पाटील,कमलेश मनचुडिया,दिलिप नरसिंघाणी, अशोक चंदवाणी,अमोल एकळ, सचिन मसुटे यांच्यासह या कार्यक्रमास गांधीनगर परिसरातील उद्योजक,व्यापारी, नागरिक व पत्रकार संघाचे सदस्य उपस्थित होते.
प्रास्ताविक प्रा. डॉ . प्रवीण जाधव यांनी केले. सूत्रसंचालन सुरेश मसुटे व आभार बाबासाहेब नेर्ले यांनी मानले.
हिंदूसम्राट न्युज 