ज़िल्हा परिषद अध्यक्षा मंगाराणी अंबुलगेकर
नांदेड जिल्हा प्रतिनिधी:संजीवकुमार गायकवाड
नांदेड:जिल्यात प्रथमच भाजीपाला व फळे सुकवून पावडर बनवणाऱ्या न्यूट्री कल्चर युनिटचा शुभारंभ,प्रॉडक्ट व http://www.nutriculturefoods.com या वेबसाईटची लॉंचिंग जिल्हा परिषद अध्यक्षा मंगाराणी अंबुलगेकर यांच्या हस्ते करण्यात आला त्याप्रसंगी अंबुलगेकर यांनी उद्यागी महिलांनी व बचत गटांनी न्यूट्रीकल्चर डिहाड्रेरेशन सारखे युनिट उभारायला हवेत असे आव्हान केले.
जुनी भारतीय खाद्य संस्कृती ची परंपरा जोपासत नांदेड ज़िल्ह्यातील न्यूट्रीकल्चर या स्थानिक ब्रॅण्डने कोणतेही कलर,केमिकल,प्रीझर्वेटिव्ह न वापरता शुद्ध,पोषक, रुचकर,भाजीपाला,फळे,फुले, औषधी वनस्पती यांच्या पावडरी बनवून बाजारात न्यूट्रीकल्चर या व्रँड नावाने आणल्या आहेत.यात आवळा,कारला,बीटरूट,गाजर, आद्रक,कांदा,पालक.शेवगा, कोथिंबीर,कडीपत्ता यांची पावडर निर्मिती होत आहे.या पावडरीचा उपयोग कोणत्याही रेसिपीत, भाजीत फ्लेवर आणण्या साठी करता येतो तसेच अन्नपदार्थावर शिंपडून खाता येतो.कारला, आवळा यांच्या पावडर गरम पाण्यात टाकून शुगरचे रुग्ण पिऊ शकतात.जुन्या काळातील उसऱ्याची संकल्पना न्यूट्री कल्चरने विविध भाज्याना नवीन रूपात आणली आहेत.असे प्रकल्प ज़िल्ह्यातील उद्योगी महिलांनी व बचत गटांनी उभारून महिला सक्षमिकरणाचा पाया उभारावा असे मत व्यक्त केले आहे.
उपस्थित नांदेड उत्तर विधानसभेचे आमदार बालाजी कल्याणकर यांनी अश्या प्रकल्पाना ज़िल्हा परिषदेनी माळेगाव यात्रा,बचत गटांचे विविध स्टॉल,कृषीस्टॉल,ध्यान्य महोत्सव अश्या कृषी विभागाच्या अंतर्गत संधी उपलब्ध करून द्यावी असे मत व्यक्त केले.माजी ज़िल्हा परिषद अध्यक्ष दिलीप पाटील बेटमोगरेकर,ज़िल्हा परिषद शिक्षण सभापती संजय बेळगे,महिला बालकल्याण सभापती सुशीलाबाई बेटमोगरेकर यांनी शुभेच्छा व्यक्त केल्या व शेतकऱ्यांचा भाजीपाल्याला चांगला भाव मिळण्यासाठी अश्या प्रकल्पाची गरज असल्याचे मत व्यक्त केले व शेतकऱ्याकडूनच भाजीपाला मोठया प्रमाणात विकत घ्यावा अश्या सूचना न्यूट्री कल्चर संचालिकेला दिल्या जेणेकरून शेतकरी समृद्ध झाला पाहिजे असे मत व्यक्त केले.न्यूट्री कल्चरच्या संकल्पने विषयी बालाजी बामणे यांनी सविस्तर अशी माहिती सांगितली.
प्रसंगी उपस्थित हिंदुस्थान क्रॉप साईन्सचे तुळशीराम शेळके,चायवेचे सीईओ आबा पाटील लोंढे,स्पीक फर्टीलायझरचे माधव सूर्यवंशी,कृषी विज्ञान केंद्राचे डॉ, देविकांत देशमुख, महालक्ष्मी ऑइल शोरूम चे गणेश शेठ चान्नावार,अखिल शिक्षक संघटनेचे राज्याधक्ष देविदासराव बस्वदे,ज़िल्हा अध्यक्ष अशोक पाटील मारतळेकर,प्रशांत भिंगोले,चंद्रकांत कुणके, बाळासाहेब लोणे,प्रह्लाद राठोड, दिगंबर शेळके,नगरसेवक राजकुमार बामणे,न्यूट्री कल्चर संचालिका रुक्मिण बामणे, फॅशन डिझाईनर यशस्वी बामणे,आदी उपस्थित होते.
हिंदूसम्राट न्युज 