गोकुळ शिरगाव प्रतिनिधी
गोकुळ शिरगाव (ता. करवीर) येथील ग्रामदैवत श्रीकृष्णाची १३ जानेवारी रोजी होणारी विशाळी यात्रा कोरोणा संसर्गाच्या पार्श्वभूमीवर, शासनाच्या व जिल्हाधिकाऱ्यांच्या आदेशानुसार रद्द करण्यात आली असल्याचे ग्रामपंचायतीच्या वतीने प्रसिद्धीपत्रकाद्वारे सांगितले आहे. तसेच भाविकांनी गर्दी न करण्याचे आवाहन ग्रामपंचायतीच्या वतीने करण्यात आले आहे. तसेच श्रीकृष्ण मूर्तीची पूजा-अर्चा अभिषेक व इतर धार्मिक विधी गावातील हक्कदार पुजारी गुरव यांच्याकडून अत्यंत साध्या पद्धतीने करण्यात येणार आहे.
ग्रामदैवत श्री कृष्ण यात्रेसाठी गोकुळ शिरगाव मध्ये जिल्ह्यातून व सीमाभागातील लाखो भाविक गर्दी करत असतात. प्रथमच कोरोणा महामारी मुळे सदर यात्रा रद्द करावी लागत असल्याचे सांगण्यात आले.
हिंदूसम्राट न्युज 