सावित्रिबाई फुले यांचे स्त्रीशिक्षणातील योगदान मोलाचे : भगवान गुरव

साके येथे बालिकादिन उत्सहात ः, अनंतशांती,फिरंगोजी संस्थेमार्फत विद्यार्थ्यीना शालेय वस्तू वाटप
कोल्हापूर
महिलांना स्वावलंबी बनविण्याच्या हेतून शिक्षणाच्या मुख्य प्रवाहात शिक्षण देवून त्यांना शिक्षणाची योग्य दिशा देण्याचे काम सावित्रिबाई फुले यांनी केले आहे. त्यांच्या या कार्याचा जागर अखंड स्त्रीशक्तीसाठी महत्वाचे योगदान ठरला आहे. शिवाय स्त्रियांच्या मुक्ती दात्या असणा-या सावित्रिबाई फुले यांनी दिलेले शैक्षणिक योगदान त्यांनी आचरणात आणलेली स्त्री उद्धारासाठीची मुल्ये भावी पिढीसाठी अत्यंत मोलाची आहेत. क्रांतीजोती सावित्रिबाई फुले यांचे स्त्रीशिक्षणातील योगदान व त्यांचे कार्य समाजाजित सर्व घटकापर्यंत पोहचवने व त्यांनी रूजवलेली शैक्षणिक मुल्य पुढील पीढीस सक्रमीत होणे गरजेचे आहे. सावित्रिबाई फुले यांचे स्त्रिशिक्षणातील योगदान मोलाचे असल्याचे प्रतिपादन अनंतशांतीचे संस्थापक भगवान गुरव यांनी केले.
साके ता.कागल येथे बालिका दिनानिमित्त ओयोजित कार्यक्रमात ते बोलत होते. यावेळी अनंतशांती,फिरंगोजी शिंदे, संस्थेमार्फत अंगणवाडीतील मुलींना पाटी,पेन्शील, अंकलपी, शैक्षणिक साहित्य खाऊ वाटप संस्थापक भगवान गुरव,वस्ताद प्रमोद पाटील यांचे हस्ते करण्यात आले.
यावेळी सावित्रिबाई फुले यांच्या प्रतिमेचे पुजन अनंतशांतीच्या अध्यक्षा माधुरी खोत,सचिव अरूणा पाटील, अंगणवाडी सेविका मंगल पाटील, तेजस्वीनी पाटील,यांच्या हस्ते करण्यात आले.
यावेळी माधुरी खोत म्हणाल्या, सावित्रीबाईंच्या सामजिक कार्याबद्दल कृतज्ञता म्हणून 1995 पासून 3 जानेवारी हा सावित्रीबाईचा जन्मदिन हा “बालिकादिन ” म्हणून साजरा केला जातो. 19 व्या शतकाच्या मध्यार्थात भारतासारख्या रूढीवादी परंपरा असणाऱ्या देशात स्त्रीला समाजात ‘चूल आणि मूल ‘ एवढेचं स्थान होतं. त्याकाळात स्त्रियांना शिक्षणाच्या माध्यमातून एक नवी दिशा, नव संजीवनी देण्याचे काम क्रांतीज्योती सावित्रीबाई फुले यांनी केले असल्याचे त्यांनी यावेळी सांगितले.
बालिकादिनानिमित्त आंगणवाडीतील मुलींनी साडी चोळी असा सावित्रिबाई फुले यांच्या वेशभूषा परिधान केल्या होत्या. कार्यक्रमास रामचंद्र कांबळे, विश्वजीत पाटील, सैा.प्रियंका पाटील,उज्वला जाधव,आनंदी पाटील, शोभा जाधव, मगल तुरंबे,सरिता कांबळे आदी उपस्थीत होत्या .
स्वागत रेखा पाटील यांनी केले आभार जयश्री निऊंगरे यांनी मानले.
फोटो ओळी ः साके ता.कागल येथे बालिकादिनानिमित्त आंगणवाडीतील मुलींना शैक्षणिक साहित्य वाटप करतांना अनंतशांतीचे भगवान गुरव ,वस्ताद प्रमोद पाटील आदी छाया ः सागर लोहार,साके