लोह्यात गॅस सिलेंडर लिकेज होऊन आगीचा भडका,जीवितहानी नाही;

लोहा, ता.प्रतिनिधी(शिवराज पवार)
लोहा शहरातील देऊळ गल्ली भागातील रहिवासी नंदकुमार श्रीराम भोसकर यांच्या घरातील घरगुती वापराचे नवे भरलेले गॅस सिलेंडर दिनांक 30 12 2020 रोजी बुधवारी लिकेज होऊन आगीचा भडका उडाला आग एवढी प्रचंड होती की त्यामध्ये घरातील सर्व संसारोपयोगी वस्तू जळून खाक झाल्या त्यामध्ये अन्नधान्य कपडे कपाट दागदागिने व इतर साहित्याचा समावेश आहे हे सर्व काही क्षणातच जळून खाक झाली आगीचे रुप पाहता तात्काळ नगरपालिका लोहा येथील अग्निशमन गाडीला पाचारण करण्यात आले व गाडी आल्यानंतर अथक परिश्रमानंतर आग नियंत्रणात आली या आगीमध्ये हे जवळपास सर्व संसार उपयोगी वस्तू जळून खाक झाले असून यात जवळपास दोन लाख रुपयाचे नुकसान झाल्याचा प्राथमिक अंदाज आहे सदरील आग विझवण्यासाठी लोहा नगरपालिकेच्या अग्निशामन दलाला दीड ते दोन तास परिश्रम घ्यावे लागले यावेळी नगरसेवक अमोल व्यवहारे ,स्वप्नील दमकोंडवार, नबी शेख, लोहा नपचे अधीक्षक उल्हास राठोड, भूषण मनोज कवटीकवार, आग्निशमन गाडीचे चालक संग्राम नागरगोजे अग्निशमन कर्मचारी बालाजी मंजलवार, चांदु राजकौर, विष्णू भिसे आदींनी आग विझविण्यासाठी परिश्रम घेतले.